სვანაძემ სტაფი დააკომპლექტა - ვინ იმუშავებენ მის ასისტენტებად?

საქართველოს ნაკრების მთავარმა მწვრთნელმა, რამაზ სვანაძემ სტაფი დააკომპლექტა. ამის შესახებ ინფორმაციას GEO TEAM ავრცელებს.

მისი ასისტენტები გურამ კაშია, ნიკა კვეკვესკირი, გიორგი დეკანოსიძე, გიორგი ადამია და ზაურ სვანაძე იქნებიან, ფიზ. მომზადების მწვრთნელის პოზიციას ბონდო გოცირიძე დაიკავებს, ხოლო მეკარეებს კვლავ დავით გვარამაძე ავარჯიშებს.

კაშია და კვეკვესკირი ვილი სანიოლის სტაფის ყოფილი წევრები არიან, ადამია და ლეგენდარული ზაურ სვანაძე 2021-26 წლებში რამაზის სტაფში ახალგაზრდულ ნაკრებში მუშაობდნენ, დეკანოსიძე კი მათ რიგებს 2025 წლის თებერვალში შეუერთდა.

სვანაძემ საქართველოს ეროვნული გუნდი სექტემბერში ჩაიბარა და 3 მატჩში 2 ქულა მოიპოვა, ნოემბერში კი უნგრეთთან შინ (14 რიცხვში) და უკრაინასთან (17-ში) სტუმრად ითამაშებენ.

2021-26 წლებში, ჯვაროსნების ჩაბარებამდე საქართველოს 21-წლამდელთა ნაკრების მთავარი მწვრთნელი იყო და ევროპის ჩემპიონატის ფინალურ ეტაპზე ორჯერ იასპარეზა (2023 და 2025).

ფოტო: NAKREBI.GE