ტებასი: "რეალის მოთამაშეებისგან მხოლოდ ერთი სიტყვა გვესმის"

ლა ლიგის პრეზიდენტმა, ხავიერ ტებასმა მაიამიში ვილიარეალისა და ბარსელონას გაუქმებულ მატჩსა და რეალის მოთამაშეების რეაქციაზე კომენტარი გააკეთა.

„რატომ გაუქმდა მაიამის მატჩი? ბევრი მიზეზია, ბევრი პროცესი… რეალის მოთამაშეებისგან მხოლოდ ერთი სიტყვა გვესმის - კორუფცია, კორუფცია, კორუფცია.

ვუსმენ კურტუას და ის ზუსტად იმავეს ამბობს, რასაც მათი გენერალური დირექტორი ხოსე ანხელ სანჩესი. რა თქმა უნდა, აბა სხვა რა უნდა თქვან რეალის ფეხბურთელებმა...“ - განაცხადა ტებასმა.

The Athletic-ის ცნობით, მიუხედავად აღნიშნული მატჩის ჩაშლისა, ხავიერ ტებასი არ დანებდება და მაინც შეეცდება, რომ ლა ლიგის მატჩები ესპანეთს მიღმა ჩატარდეს.

ვილიარეალისა და ბარსელონას მატჩი მაიამიში გაუქმდა