"თითქოს მეუბნებოდა, შენზე მაგარი ვარო", — დე იონგმა მსაჯი გააკრიტიკა

ბარსელონას ნახევარმცველმა, ფრენკი დე იონგმა, სოსიედადთან (1:2) მატჩში მსაჯების მუშაობა გააკრიტიკა.

29-ე წუთზე ხესუს ხილ მანსანოს სამსაჯო ბრიგადამ ლამინ იამალის გოლი თამაშგარის გამო გააუქმა. VAR-მა ეს გადაწყვეტილება ძალაში დატოვა.

„საბოლოოდ, თუ თამაშგარეა, ესეიგი თამაშგარეა — სხვანაირად ვერ იქნება. მაგრამ მე ამ მომენტში თამაშგარე ვერ დავინახე. გვითხრეს, რომ არ იყო. ეს მეოთხე მსაჯსაც ვუთხარი. ზუსტად იგივე აქ შარშანაც მოხდა.

მინდა ვთქვა, რომ მსაჯთან საუბარიც კი შეუძლებელია. მე გუნდის კაპიტანი ვარ და ამას ვერ ვიგებ. ისეთი გამომეტყველებით მიყურებდა, თითქოს მეუბნებოდა: „მე შენზე უკეთესი ვარ“. ეს ძალიან გამაღიზიანებელია. ასე მოქცევა არ შეიძლება.

ბევრი საგოლე მომენტი გავაფუჭეთ — ეს ყველაზე მეტად მტკივნეულია. მატჩის ბოლოს, დამატებულ დროში, გამუდმებით ვეუბნებოდი მსაჯს, საათისთვის შეეხედა. მეტოქემ კარიდან ამოტანის დროს ერთი წუთი გაიყვანა... მათთვის ეს ნორმალურია და მსაჯმა დამატებით ათი წამიც კი არ დაამატა. ეს სიგიჟეა. ესეც ვუთხარი და ყვითელი ბარათი მაჩვენა“, — განაცხადა დე იონგმა.