„უახლოეს პერიოდში გამოვაცხადებთ", — ფლიკი ბარსასთან ახანგრძლივებს

ბარსელონა პრეზიდენტმა, ჟოან ლაპორტამ, გუნდის მთავარ მწვრთნელთან, ჰანს-დიტერ ფლიკთან კონტრაქტის შესაძლო გახანგრძლივებაზე RAC1-ის ეთერში ისაუბრა.

„ჩვენ აუცილებლად გამოვაცხადებთ ჰანსი ფლიკთან კონტრაქტის გახანგრძლივებას უახლოეს პერიოდში. ყოველთვის გვირჩევნია, რომ მას ხელშეკრულებით კიდევ ერთი წელი ჰქონდეს დარჩენილი. მოლაპარაკებებზე დეკუ იქნება პასუხისმგებელი, რაფა იუსტე კი ხელს მოაწერს მას.

ვისურვებდი, რომ ჰანსი ფლიკთან ერთად ჩემი საპრეზიდენტო ვადის ბოლომდე ვიმუშაო. ეს სტაბილურობაზე მეტყველებს და აჩვენებს, რომ ჩვენ ვიგებთ. ის ახალგაზრდა, ენერგიული ადამიანია, რომელიც კლუბშიცა და ქალაქშიც თავს ბედნიერად გრძნობს“, – განაცხადა ლაპორტამ.

ფლიკმა ბარსა 2024 წლის ზაფხულში ჩაიბარა და მას შემდეგ გუნდს ესპანეთის სუპერთასი (2), ლა ლიგა და კოპა დელ რეი მოაგებინა.