რობერტო დე ძერბი ოპტიმისტურადაა განწყობილი და იმედოვნებს, რომ დომინიკ სოლანკეს ტრავმა სერიოზული არ არის, თუმცა ჯერჯერობით არ ფლობს ინფორმაციას ჩავი სიმონსის მუხლის დაზიანების სიმძიმეზე.
სოლანკე იძულებული გახდა მოედანი პირველ ტაიმში დაეტოვებინა ვულვზთან 1:0 მოგებულ შეხვედრაში, მეორე ტაიმში კი მოედნიდან სიმონსიც გაიყვანეს.
დე ძერბი აცხადებს:
სოლანკეს შემთხვევაში ეს კუნთის ტრავმაა, თუმცა არ ვიცი, რა სირთულის. რაც შეეხება ჩავის, მას პრობლემა მუხლზე აქვს. მომდევნო დღეებში, ორშაბათს ან სამშაბათს, ყველაფერი გაირკვევა. ვფიქრობ, სოლანკესთვის ეს დიდი პრობლემა არ იქნება. არ ვიცი, რამდენი მატჩი გამოაკლდება ის გუნდს, მაგრამ ძალიან მინდა ვიცოდე ჩავის რეალური მდგომარეობა, რადგან მუხლის დაზიანება ყოველთვის განსხვავდება კუნთის ტრავმისგან. მან ტკივილი იგრძნო, თუმცა ორი წუთის წინ ვესაუბრე და თავს იმაზე უკეთ გრძნობს, ვიდრე ტრავმის მიღების მომენტში.
ჟოაო პალინიას გოლით მოპოვებული გამარჯვება პრემიერ ლიგაში 2026 წელს პირველია ტოტენჰემისთვის. მიუხედავად ამისა, სეზონის დასრულებამდე ოთხი ტურით ადრე, გუნდი კვლავ გავარდნის ზონაში რჩება, რადგან ვესტ ჰემმა ევერტონის დამარცხება შეძლო.
