მიუხედავად იმისა, რომ ლივერპულმა კრისტალ პალასი 3:1 დაამარცხა და ჩემპიონთა ლიგის საგზური თითქმის გაინაღდა, გუნდში ერთი მოთამაშის ფორმა დიდ შეშფოთებას იწვევს.
საუბარია კოდი გაკპოზე, რომელმაც ენფილდზე მორიგი იმედგაცრუება აჩუქა გულშემატკივარს.
მოედანზე 90 წუთი გაატარა, თუმცა ნიდერლანდელმა შემტევმა ვერცერთი ზუსტი ჩაწოდება ვერ შეასრულა, ბურთი 13-ჯერ დაკარგა და მისი პასების სიზუსტე კატასტროფულად დაბალი (63%) იყო. Sofascore-მა მისი თამაში 10-დან მხოლოდ 4 ქულით შეაფასა. ასეთი დონის თამაში გამოცდილი ფეხბურთელისთვის მიუღებელია, განსაკუთრებით მაშინ, როცა გუნდს უგო ეკიტიკე და მოჰამედ სალაჰი ტრავმების გამო აკლია.
გულშემატკივართა ნაწილი მიიჩნევს, რომ სლოტმა შანსი ახალგაზრდა რიო ნგუმონას უნდა მისცეს. ნგუმონამ მიმდინარე სეზონში თავისი სისწრაფითა და ეფექტურობით (მათ შორის ფულჰემთან გატანილი ბრწყინვალე გოლით) დაამტკიცა, რომ პირველ გუნდში ადგილს იმსახურებს. ახლა, როცა ჩემპიონთა ლიგაზე მოხვედრა თითქმის გარანტირებულია, იდეალური დროა ნგუმონას სათამაშო პრაქტიკა მიეცეს, გაკპომ კი სათადარიგოთა სკამზე გადაინაცვლოს.
