ცინცინატის მასტერსის ფინალში სინერი-ალკარასი შედგება

ცინცინატიში 1000-ქულიანი ტურნირი დასკვნით ფაზაშია.

კაცთა პირველ ნახევარფინალურ წყვილში რეიტინგის ლიდერმა, იანიკ სინერმა 136-ე ნომერი ტერენს ატმანი 2 სეტში (7-6, 6-2) დაამარცხა და ფინალში გავიდა.

ფინალში იტალიელის მეტოქე რეიტინგის მეორე ნომერი კარლოს ალკარასი იქნება, რომელმაც ალექსანდერ ზვერევს ასევე 2 სეტში (6-4, 6-3) სძლია.

ესპანელი იტალიელს ურთიერთშეხვედრებში 8-5 უგებს, მათი ბოლო მატჩი უიმბლდონის ფინალში იანიკმა მოიგო.

სინერს ჰარდის საფარზე ზედიზედ 26 შეხვედრა აქვს და 21 სეტი აქვს მოგებული, ალკარასის ანგარიშზე კი 1000-ქულიან მასტერსებზე ზედიზედ 16 გამარჯვებაა.

ორივე ჩოგბურთელი ცინცინატიში მეორე ფინალს ითამაშებს, იანიკს კი ტიტულის დაცვა მოუწევს. მსოფლიო რეიტინგის პირველი და მეორე ნომრები ერთმანეთს 18 აგვისტოს დაუპირისპირდებიან.