რობერტ ლევანდოვსკიმ, პოლონეთის ნაკრების შეკრებისას, ბარძაყის კუნთი დაიზიანა. ამის შესახებ ინფორმაციას მისი კლუბი, ბარსელონა ავრცელებს.
დაზიანების სპეციფიკიდან გამომდინარე, დიდი შანსია, ლევანდოვსკიმ მომავალ უქმეებზე გასამართი ელ კლასიკო გამოტოვოს.
ესპანური მედია გაცილებით პესიმისტურ პროგნოზს აკეთებს და წერენ, რომ ლევანდოვსკის 4-6 კვირა გაუცდება, რაც მის რეალთან მატჩში მონაწილეობას გამორიცხულს ხდის.
37 წლის თავდამსხმელმა კვირას, პოლონეთის ნაკრების მიერ ლიეტუვასთან 2:0 მოგებულ მატჩში 90 წუთი ითამაშა და გოლიც გაიტანა - ნაკრებში 87-ე გოლია.
ლევანდოვსკი, ბარსას ლაზარეთში, რაფინიას, გავისა და დანი ოლმოს შეუერთდა, ხოლო მარკ-ანდრე ტერ შტეგენის ზურგზე გადატანილი ოპერაციისა და სარეაბილიტაციო პერიოდის ამბავი უკვე დიდი ხნისაა.
მეორე მხრივ, ბლაუგრანას შეიძლება ლამინ იამალის და ფერმინ ლოპესის დაბრუნებამ შეუწყო ხელი - ორივე, სავარაუდოდ, სანაკრებო შესვენების შემდეგ იქნება ხელმისაწვდომი.
