U19 - საქართველომ ყაზახეთს სატესტო მატჩი დიდი სხვაობით მოუგო

საქართველოს 19-წლამდელთა ნაკრებმა, მიხეილ მესხის სათადარიგო სტადიონზე, 2026 წლის პირველი მატჩი გამართა და ყაზახეთის ამავე ასაკობრივ გუნდს სატესტო შეხვედრაში 6:2 მოუგო.

შეხვედრაში ანგარიში ნიკოლოზ შალიკიანმა 28-ე წუთზე, სტანდარტული სიტუაციიდან გახსნა, პირველი ტაიმის მიწურულს კი ნიკოლოზ ბენდელიანმა სხვაობა ისევ სტანდარტული სიტუაციიდან ორამდე გაზარდა.

მეორე ტაიმის სტარტზე, ნიკოლოზ ბარიხაშვილმა სტუმრებს მესამე გოლი გაუტანა. 78 წუთზე საბა ჩხეტიანმა პენალტი ზუსტად შეასრულა, 90-ე და 93 წუთებზე კი თენგო ნებულიშვილმა და შოთა დიაკონიძემ სხვაობა ოთხამდე გაზარდეს.

ზურაბ ხიზანიშვილის გუნდი, შემდეგ მატჩს ისევ ყაზახეთის წინააღმდეგ, მიხეილ მესხი 2-ზე, 30 მარტს, 14:00 საათზე გამართავს.

ფოტო: NAKREBI.GE