VIDEO: ამჯერად წააგეს - 19-წლამდელებმა ყაზახებთან მეორე სატესტო მატჩი გამართეს
2 სთ წინ · 0 წთ წასაკითხად
-
Aa
+
ფონტის ზომა
საქართველოს 19-წლამდელთა ნაკრებმა, მიხეილ მესხის სათადარიგო სტადიონზე, 2026 წლის მეორე მატჩი ისევ ყაზახეთის ნაკრებთან გამართა და ამჯერად დამარცხდა - 0:2.
ზურაბ ხიზანიშვილის გუნდმა, 2-დღიანი ინტერვალით, ყაზახებთან 2-ჯერ ითამაშა - ჯერ 6:2 მოუგო, მეორე თამაშის სცენარი და შედეგი კი განსხვავებული გამოვიდა.
ყაზახებმა ანგარიში მე-20 წუთზე, მაჰმუდოვ დირმოჰამადის გოლით გახსნეს, რასაც მეორე ნახევრის ბოლოსკენ, 77-ე წუთზე, რუსლან ვალიხანის გოლი და საბოლოო ანგარიშის დაფიქსირება მოჰყვა.
ჩვენი 19-წლამდელთა ნაკრები ევრო 2027-ის საკვალიფიკაციო ეტაპისთვის ემზადება - 3-გუნდიან ჯგუფში, მეტოქეებად ისლანდია და მონტენეგრო ჰყავს. 3 ივნისს - მონტენეგროს, ხოლო 9 ივნისს ისლანდიას შეხვდებიან.
