8 ივნისს, ნიუ ჯერსის Prudential Center-ში UFC 316 გაიმართება, სადაც ბევრ საინტერესო ბრძოლას ვიხილავთ.
მათ შორის იქნება 2 სატიტულო დაპირისპირება, აქედან ერთ-ერთი კი მთავარი ღონისძიება და საჩემპიონო რემატჩი მერაბ დვალიშვილსა და შონ ო'მალის შორის.
მერაბ დვალიშვილი vs შონ ო'მალი
UFC 316-ის მთავარი ბრძოლა სუპერმსუბუქი დივიზიონის ქამრისთვის შედგება. ჩემპიონი, რომელსაც ზედიზედ 12 ბრძოლა აქვს მოგებული, ტიტულს მეორედ დაიცავს. უმარ ნურმაგომედოვთან გამარჯვების შემდეგ, ამჯერად მერაბის მეტოქე შონ ო'მალია, რომელსაც ერთხელ უკვე მოუგო და ქამარიც წაართვა.
ზედიზედ მე-13 გამარჯვებისკენ - მერაბი ლეგენდების სიაში
30 წლის ო'მალი ლას ვეგასის Sphere-ში მერაბთან მარცხის შემდეგ ოქტაგონს სწორად ახლა უბრუნდება და შეეცდება დაკარგული ტიტული დაიბრუნოს. საჩემპიონო რემატჩში მთავარი კითხვა ის არის, რამდენად შეზღუდა ტრავმამ ო'მალი პირველ ბრძოლაში და რამდენ განსხვავებულ შონს ვიხილავთ ამჯერად ქართველთან დაპირისპირებაში.
ჯულიანა პენია vs კაილა ჰარისონი
UFC 316-ზე სუპერმსუბუქი დივიზიონის კიდევ ერთ სატიტულო დაპირისპირებას ვიხილავთ - ჯულიანა პენია ქამარს კაილა ჰარისონის წინააღმდეგ დაიცავს.
ოქტომბერში, სოლტ ლეიკ სიტიში გამართულ ღონისძიებაზე პენიამ ტიტული მეორედ მოიგო. მან რაკელ პენინგტონი გაყოფილი გადაწყვეტილებით დაამარცხა.
იმავე ღონისძიებაზე კაილა ჰარისონმა კეტლენ ვიეირას ერთსულოვანი გადაწყვეტილებით მოუგო და ნომერ პირველი კონტენდერის წოდება დაიმსახურა. ჰარისონი ძიუდოში 2-გზის ოლიმპიური ჩემპიონია, ახლა კი შეეცდება პენიას ქამარი წაართვას და UFC-ის ოქროს ქამარიც მოირგოს.
მეინ ქარდი
მერაბ დვალიშვილი - შონ ო'მალი
ჯულიანა პენია - კაილა ჰარისონი
კელვინ გასტელუმი - ჯო პაიფერი
მარიო ბაუტისტა - პეტჩი მიქსი
ვისენტე ლუკე - კევინ ჰოლანდი
პრელიმები
ბრუნო სილვა - ჯოშუა ვანი
აზამატ მურზაკანოვი - ბრენდსონ რიბეირო
სერგეი სპივაკი - ვალდო კორტეს-აკოსტა
კალინ უილიამსი - ანდრეას გუსტაფსონი
მარკელ მედეროსი - მარკ ჩოინსკი
არიან და სილვა - ვანგ ჩონგი
ჯეკა სარაგიჰი - ჯუ სანგ იო
კილან სალკილდი - იანალ აშმუზი
UFC 316-ის პრელიმები 8 ივნისს, 04:00 საათზე დაიწყება, მეინ ქარდი კი - 06:00 საათზე.
