UFC 321-ზე ორი სატიტულო დაპირისპირება გაიმართა.
ქალთა მინიმალური წონის საჩემპიონო ბრძოლაში ერთმანეთს ორი ბრაზილიელი დაუპირისპირდა.
მაკენზი დერნმა 5-რაუნდიან ბრძოლაში თანამემამულე ვირნა ჟანდირობა ერთსულოვანი გადაწყვეტილებით დაამარცხა (48-47, 48-47, 49-46) და დივიზიონის ახალი ჩემპიონი გახდა.
ღონისძიების მთავარი ბრძოლა კი მძიმე წონის ჩემპიონ ტომ ასპინალსა და სირილ განს შორის უნდა გამართულიყო და დაპირისპირება დაიწყო კიდეც.
პირველი რაუნდი მებრძოლებმა აქტიურად წარმართეს, თუმცა ერთ ეპიზოდში ბრიტანელს ორივე თვალში ფრანგის თითები მოხვდა, რის შემდეგაც დაზიანება მიიღო.
ტაიმაუტის დროს ბრიტანელს პირველადი დახმარება აღმოუჩინეს, თუმცა ასპინალის თქმით, ის თვალს ვერ ახელდა და ვეღარ ხედავდა, რის გამოც ბრძოლა No Contest-ად გამოცხადდა.
ტომ ასპინალი UFC-ის მძიმე წონის ჩემპიონად კვლავ რჩება, მისი და სირილ განის დაპირისპირება კი სავარაუდოდ სხვა დროს გაიმართება.
"ჩემპიონი გავხდები" - უმარ ნურმაგომედოვმა მარიო ბაუტისტა დაამარცხა
