"მინდა, მერაბმა სახლში იბრძოლოს" - დანა უაითი ღონისძიების საქართველოში ჩატარებაზე

UFC-ის პრეზიდენტმა, დანა უაითმა მერაბ დვალიშვილისა და საქართველოში ღონისძიების ჩატარების შესახებ ისაუბრა.

"მერაბთან ჩემი ურთიერთობა თავიდანვე რთულად დაიწყო. იმას, რაც მან გააკეთა, პატივი უნდა ვცეთ და მას ისევ ბრძოლა უნდა.

მიყვარს მებრძოლები, რომლებსაც სულ ბრძოლა უნდათ.

დღეს შეხვედრაზე ვიყავი. იქ იყო ერთ-ერთი კაცი, საქართველოს მთავრობის წარმომადგენელი, და პირდაპირ მეუბნებოდა: „თქვენთან საუბარი მინდა, მსურს ღონისძიება ჩავატაროთ საქართველოში.“

მეც მინდა, რომ მერაბმა ბრძოლა სახლში ჩაატაროს." - განაცხადა დანა უაითმა TNT Sports-თან.