ბრიტანულმა სარაგბო გამოცემა Ruck.co.uk-მა, მოქმედ მსაჯებს შორის, შეადგინა TOP 10, რომელშიც ნიკა ამაშუკელი მე-6 ადგილზე გაიყვანა.
"ამაშუკელის წარმატებულ კარიერას გამძლეობა განსაზღვრავს. მისი კარიერა, საწყისი ეტაპიდან, როდესაც შიდა ჩემპიონატის მატჩზე თავდასხმის მსხვერპლი გახდა, მსოფლიო რაგბის სცენაზე თავისი ქვეყნის წარმომადგენლობით ბევრს შთააგონებს.
გულშემატკივრები ყოველთვის ხაზს უსვამენ მის პატიოსნებასა და თამაშის ღრმა ცოდნას. ღია კომუნიკაციამ და გამბედაობამ, მას მოთამაშეებისა და გულშემატკივრების პატივისცემა მოუტანა", - წერს ბრიტანული გამოცემა ქართველ მსაჯზე.
გამოცემის ვერსიით, მსოფლიოს საუკეთესო მსაჯი ბენ ო'კიფია, მის შემდეგ კი TOP 5-ში, შესაბამისი თანმიმდევრობით, ნიკ ბერი, ენგუს გარდნერი, ლუკ პირსი და ჰოლი დევიდსონი მოდიან.
