UFC 328-ის ძველი წესები და პიმბლეტის პროტესტი

პედი პიმბლეტმა განაცხადა, რომ ნიუ-ჯერსის შტატში არასდროს იბრძოლებს იმ აბსურდული წესების გამო, რომლებიც UFC 328-ზე მოქმედაბდა.

პედი ადევნებდა თვალს ტურნირს, სადაც მთავარ ბრძოლაში შონ სტრიკლენდმა ხამზათ ჩიმაევი დაამარცხა.

სტრიკლენდმა ჩიმაევს კარიერაში პირველი წაგება აგემა და ქამარი დაიბრუნა

პიმბლეტის უკმაყოფილება გამოიწვია იმ ფაქტმა, რომ ნიუ-ჯერსის ათლეტურმა კომისიამ ძველი წესების გამოყენება გადაწყვიტა.

კერძოდ, UFC 328-ზე აკრძალული იყო 12-6 დარტყმები იდაყვით (ვერტიკალური დარტყმა ზემოდან ქვემოთ), რომელიც 2024 წლის ნოემბრიდან ლეგალური გახდა. ასევე, მოქმედებდა ძველი წესი დამიწებულ მებრძოლთან დაკავშირებით - საკმარისია სპორტსმენი ცალი ხელით შეეხოს იატაკს, რომ მასზე ფეხით დარტყმა აიკრძალოს.

პიმბლეტმა განაცხადა:

12-6 იდაყვები აკრძალულია? ვაუ, ეს სასაცილოა. მანდ არასდროს ვიბრძოლებდი. თუ მხოლოდ თითს დაადებ იატაკს, გამოდის, რომ მეტოქემ ფეხი აღარ უნდა დაგარტყას? სისულელე.

პედი პიმბლეტი ოქტაგონზე დაბრუნებას ივლისში გეგმავს. გავრცელებული ინფორმაციით, 31 წლის მებრძოლი 11 ივლისს ლას-ვეგასში, (UFC 329) ბენუა სენ-დენის დაუპირისპირდება. პიმბლეტისთვის ეს იქნება პირველი ბრძოლა იანვრის შემდეგ, როდესაც ის ხასტინ გეიჯთან მსუბუქი წონის დროებითი ტიტულისთვის ბრძოლაში დამარცხდა.