უხვგოლიანი ფრე დორტმუნდში - იტალიას გერმანიასთან ქამბექი არ ეყო

უეფას ერთა ლიგის A დივიზიონის პლეიოფის განმეორებით მატჩში, სიგნალ იდუნა პარკზე, გერმანიის ნაკრებმა იტალია მიიღო.

გუნდებს შორის პირველი შეხვედრა მილანში, სან სიროზე გერმანელთა გამარჯვებით 1-2 დასრულდა.

საპასუხო მატჩი უხვგოლიანი და სანახაობრივი გამოდგა. გერმანელებმა პირველ ტაიმში 3 უპასუხო გოლი გაიტანეს და თითქოს ინტრიგა ორმატჩიან დუელში მთლიანად მოკლეს.

30-ე წუთზე ანგარიში იოზუა კიმიხმა გახსნა, რომელმაც პენალტი ზუსტად შეასრულა. 36-ე წუთზე იტალიელთა უყურადღებობით კიმიხმა და მუსიალამ ისარგებლეს და კურიოზული გოლით სხვაობა ორამდე გაიზარდა.

VIDEO: დონარუმა საუბარში გაერთო და კურიოზული გოლი გაუშვა

ტაიმის ბოლოს, 45-ე წუთზე კი ტიმ კლაინდინსტმა მე-3 გოლი გაიტანა სკუადრა აძურას კარში და ანგარიში 3-0 გახადა.

3 გოლი გავიდა მეორე ტაიმში, ოღონდ ამჯერად თავი იტალიელებმა გამოიჩინეს. 49-ე და 69-ე წუთებზე გატანილი გოლებით მოიზე კინმა დუბლი შეასრულა და სტუმარი გუნდი თამაშში დააბრუნა.

მატჩის კომპენსირებულ დროში სიტუაცია კიდევ უფრო დაიძაბა, 95-ე წუთზე ჯაკომო რასპადორიმ პენალტი ზუსტად შეასრულა და წონასწორობა აღადგინა, თუმცა იტალიელებს ორი მატჩის ჯამში ანგარიშის გათანაბრებისთვის კიდევ 1 გოლი სჭირდებოდათ, რომლის გატანაც ვეღარ მოახერხეს.

შესაბამისად გერმანიის ნაკრებმა ჯამში 5-4 იმარჯვა და ერთა ლიგის A დივიზიონის 1/2 ფინალში გავიდა, სადაც მეტოქე პორტუგალია იქნება, რომელმაც დანია დაამარცხა.

პორტუგალიამ დრამატული დაპირისპირება შემოატრიალა და ერთა ლიგის 1/2 ფინალში გავიდა