საქართველოს ეროვნული ლიგის 31-ე ტურში იბერია 1999 გასვლაზე დინამო თბილისს ეწვევა - თბილისური დერბი, შაბათს, 31 ოქტომბერს, 19:00-ზე დინამო არენაზე გაიმართება.
ჩემპიონატის ცხრილი 31-ე ტურის წინ ასე გამოიყურება:
2026 წლის სეზონში ეს დინამოსა და იბერიას მეოთხე დაპირისპირებაა - წინა სამ წრეში იბერია დინამოსთან ორჯერ დამარცხდა, ხოლო ერთხელაც ფრედ ითამაშა.
პირველი წრის შეხვედრა მიხეილ მესხზე 15 მარტს გაიმართა და ფრედ 0:0 დასრულდა. მეორე წრის მატჩში იბერია დინამოზე 2:0 დამარცხდა - თორნიკე მეგრელიშვილის კარი ნინა-კოფი დონკორმა და აბდულაიე იორომ აიღეს.
მესამე წრის შეხვედრა 4 ოქტომბერს მიხეილ მესხზე გაიმართა. დერბიში კვლავ დინამო დაწინაურდა - ანგარიში მატჩის სტარტზე მაქსიმ ტეიშეირამ გახსნა. 71-ე წუთზე მათე ვაწაძემ სხვაობა ორამდე გაზარდა. იბერიელებმა მხოლოდ სხვაობის მინიმუმამდე შემცირება შეძლეს - გიორგი ჯინჯოლავამ ფლორესის კარი თერთმეტმეტრიანის ნიშნულიდან აიღო.
დერბის ორივე გუნდი კარგ ფორმაში ხვდება - დინამომაც და იბერიამაც ბოლო 5 მატჩიდან 4 მოიგეს და თითო-თითო დათმეს. კორღალიძის შეგირდებმა დინამოსთან წააგეს, ქეცბაიას გუნდი კი ბათუმის დინამოსთან დამარცხდა.
დინამო თბილისმა ბოლო შეხვედრაში უშუალო კონკურენტი რუსთავი გასვლაზე 2:0 დაამარცხა, ხოლო იბერიამ შინ ქუთაისის ტორპედოს დაძაბულ ბრძოლაში 3:2 სძლია. როგორც ზემოთ გითხარით გუნდებს შორის სხვაობა მხოლოდ ერთი ქულაა, რაც დინამოზე ძალიან დაძაბული მატჩის მოლოდინს გვიქმნის.
შეგახსენებთ, თბილისური დერბი შაბათს, 31 ოქტომბერს, 19:00-ზე დინამო არენაზე გაიმართება. მატჩის მეშვიდე წუთზე, გიორგი ნემსაძის ხსოვნას წუთიერი დუმილით პატივს მიაგებენ გუნდები და დინამო არენაზე შეკრებილი გულშემატკივარი.
წაიკითხეთ: იბერიას პირველი ჩემპიონობა - თბილისურ დერბიში მოგებული ლიგა
