უნდა ჩამოაშორონ თუ არა მესი პენალტებს?

ლიონელ მესი 2026 წლის მუნდიალზე არგენტინის ნაკრებს ისევ წინ უძღვება, თუმცა მის თამაშში არის ერთი დეტალი, რაც კითხვის ნიშნებს აჩენს - პენალტები.

ეგვიპტესთან მერვედფინალში მესიმ ტურნირზე უკვე მეორე თერთმეტმეტრიანი გააფუჭა (პირველი ავსტრიასთან), რაც მსოფლიო ჩემპიონატების ისტორიაში ანტირეკორდია.

სტატისტიკა აჩვენებს, რომ მესის პენალტების რეალიზაციის მაჩვენებელი (77%) საგრძნობლად ჩამოუვარდება მის კონკურენტებს: ჰარი კეინს (90.7%), კრიშტიანუ რონალდუს (85.2%) და კილიან მბაპეს (81.0%).

მიზეზი, შესაძლოა, მესის სათამაშო სტილია - ის დარტყმისას იმპროვიზაციას ეყრდნობა და მეკარის მოძრაობას ელოდება, რაც თანამედროვე ვიდეოანალიზის ეპოქაში მეკარეებისთვის უფრო ადვილი გამოსაცნობია.

არგენტინის ნაკრებში პენალტების უკეთესი შემსრულებლები არიან: ლეანდრო პარედესი (92.9%), ალექსის მაკ ალისტერი (91.7%) და ენცო ფერნანდესი (91.7%).

თუმცა, გასახდელში მესისთვის პენალტების ჩამორთმევის თქმას ვერავინ ბედავს. შვეიცარიასთან მეოთხედფინალის წინ ლიონელ სკალონიმ ეს თემა მოკლედ დახურა: „თუ ლეოს მოუნდება, პენალტებს ისევ ის დაარტყამს“.