ბარსელონას ყოფილმა მწვრთნელმა ჩავიმ The Athletic-ის თავის სვეტში ვრცლად გაიხსენა ის მომენტი, როდესაც პირველად აღმოაჩინა, რომ ლამინ იამალი უნიკალური, თაობაში ერთხელ დაბადებული ტალანტი იყო.
ესპანელი სპეციალისტის თქმით, 18 წლის ვინგერის გარშემო არსებულმა აჟიოტაჟმა მას მაშინვე ახალგაზრდა ლიონელ მესი გაახსენა.
ჩავიმ აღნიშნა, რომ იამალის შესახებ ხმები კლუბში მანამ ესმოდა, სანამ მის თამაშს საკუთარი თვალით ნახავდა, ზუსტად ისე, როგორც წლების წინ მესის შემთხვევაში მოხდა. 15 წლის ლამინის ვიდეოჩანაწერის ნახვის შემდეგ, სადაც მან ერთ მატჩში გოლი გაიტანა და ორი ასისტი შეასრულა, ჩავიმ მტკიცედ მოითხოვა ბიჭის პირველ გუნდთან ერთად ვარჯიში, მიუხედავად იმისა, რომ კონტრაქტის გამო აფრთხილებდნენ, მოეცადა:
ეს ბიჭი 15 წლის ასაკში მოვიდა პირველ გუნდში სავარჯიშოდ და მაშინვე დავინახეთ, რომ განსხვავებული იყო. მოედანზე გადაწყვეტილებებს უშეცდომოდ იღებდა, რაც ყველაზე მეტად გვაოცებდა. მესისთან მსგავსება ბევრია: ორივე ცაციაა, მარჯვენა ფლანგიდან უტევს და ბურთს მუდმივად ითხოვს. თუმცა, მესისთან შედარებით მასზე დამატებითი წნეხის შექმნა არ მინდა. 18 წლის ასაკში მოედანზე ასეთ გარდატეხას მხოლოდ მესი, მარადონა, პელე და შესაძლოა რონალდო ახდენდნენ. ლამინი უკვე არის თავისი თაობის საუკეთესო ხუთეულში. თუ ამბიცია და სწორი დამოკიდებულება ექნება, მომდევნო 15-20 წელიწადი მას ეკუთვნის
იამალს 18 წლის ასაკში უკვე მოგებული აქვს ლა ლიგა, ევროპის ჩემპიონატი, ახლა კი ესპანეთის ნაკრებთან ერთად 2026 წლის მსოფლიო ჩემპიონატის ნახევარფინალში საფრანგეთის ნაკრებთან მძიმე მატჩისთვის ემზადება.
