უკრაინის ეროვნული ნაკრების მთავარმა მწვრთნელმა ანდრეა მალდერამ ერთა ლიგის მესამე ტურის წინ გამართულ პრესკონფერენციაზე საქართველოსთან წინა შეხვედრა და ჯგუფში არსებული ვითარება შეაჯამა.
როგორც იტალიელმა სპეციალისტმა აღნიშნა, მიუხედავად იმისა, რომ თბილისური მატჩი ფრედ (0:0) დასრულდა, ის საქართველოს ნაკრების მხრიდან უფრო დიდ აგრესიასა და აქტიურ პრესინგს ელოდა, რის გამოც პირველ ტაიმში უფრო დაცვითი შემადგენლობა შეარჩია:
ყველა თავდამსხმელით კმაყოფილი ვარ, რადგან ვიცნობ მათ თვისებებს და პირველ თამაშში ორი ფეხბურთელი მჭირდებოდა, რომლებიც სივრცეებს შეუტევდნენ. მეორე თამაშში გულწრფელად რომ ვთქვა, თავიდან უფრო აგრესიულ [პრესინგზე] საქართველოს ველოდი, მეორე ტაიმში კი ორი ფორვარდი შევიყვანე მოედანზე, როგორც იტყვიან, საჯარიმოს ფორვარდები.
ვფიქრობ, ეს ჯგუფი ძალიან დაბალანსებულია. ყველა გუნდს შეუძლია ბევრი თამაშის მოგება, მაგრამ ასევე შეუძლია წაგებაც. ჩვენს ჯგუფში ძალიან ცოტა გოლი გავიდა, რაც იმის მანიშნენებელია, რომ ოთხივე გუნდი დაახლოებით თანაბარი ძალისაა.
შეგახსენებთ, რომ უეფას ერთა ლიგის მიმდინარე გათამაშებაში ორი ტურის შემდეგ ჯგუფს უკრაინა და ჩრდილოეთ ირლანდია 4-4 ქულით ლიდერობენ, ხოლო საქართველოსა და უნგრეთის ანგარიშზე 1-1 ქულაა.
