ეკო გორგოძე US Open-ის საკვალიფიკაციო ეტაპის ფინალში გავიდა.
შესარჩევი ეტაპის მე-2 წრეში, ბერძენ დესპინა პაპამიხაილს ურთულესი ორსეტიანი მატჩი მოუგო. თამაში 2 საათსა და 24 წუთს გაგრძელდა და ორივე სეტის ბედი ტაიბრეიკზე გადაწყდა.
გორგოძე პირველ სეტში 5:1-ს იგებდა, შემდეგ 5:6-ს აგებდა და საბოლოოდ ტაიბრეიკზე იმარჯვა (7:3), მეორე სეტში კი 4:1 გავიდა წინ, 5:4-ზე ორი მატჩ-პოინტიც ჰქონდა, მაგრამ კვლავ ტაიბრეიკის თამაში დასჭირდა (7:2).
ეკოს არც ეისი ჰქონია და არც ორმაგი შეცდომა, პირველ მოწოდებაზე ქულების 62% მოიგო (69-დან 43), ხოლო მეორეზე 55% (11-დან 6). 30 ვინერი შეასრულა და 22 უნებლიე შეცდომა დაუშვა.
ქართველს წლის ბოლო დიდი სლემის ტურნირის ძირითად ბადეში გასვლამდე ერთი ეტაპის გავლა აშორებს - საკვალიფიკაციოს ფინალში ჩეხ გაბრიელა კნუტსონს შეხვდება.
ჩოგბურთელები ერთმანეთს პირველად დაუპირისპირდებიან - გორგოძე WTA-ის რეიტინგის 161-ე ნომერია, ხოლო კნუტსონი 184-ე პოზიციას იკავებს.
არის ფინალი! - ბოლქვაძეს US Open-ზე გასვლამდე ერთი ნაბიჯი აშორებს
