უცნაურია, მაგრამ ფაქტია: ვალენსიამ ამ სეზონში სტუმრად პირველად ბერნაბეუზე მოიგო

ლა ლიგის 30-ე ტურში ვალენსიამ სტუმრად მადრიდის რეალი დაამარცხა.

შეხვედრა სანტიაგო ბერნაბეუზე გაიმართა და ღამურების გამარჯვებით 2:1 დასრულდა.

საინტერესოა, რომ ვალენსიასთვის ეს ლა ლიგის ამ სეზონში პირველი გასვლითი გამარჯვებაა.

აქამდე გამართულ 14 მატჩში გუნდს 7 მარცხი და 7 ფრე ჰქონდა და მოპოვებული 7 ქულით გუნდი გასვლაზე ნაჩვენები შედეგებით მე-19 პოზიციას იკავებდა, ამაზე ცუდი შედეგი მხოლოდ ვალიადოლიდს აქვს (მხოლოდ 3 ქულა გასვლაზე).

მატჩის საუკეთესო ფეხბურთელად ვალენსიას მეკარე გიორგი მამარდაშვილი დასახელდა, რომელმაც პენალტიც აიღო და მთლიანობაში 8 სეივით გამოიჩინა თავი.