,,ვამაყობ, რომ ამ გუნდის ნაწილი ვარ" - კვარაცხელიას კომენტარი ფინალის შემდეგ

პარი სენ-ჟერმენის ვარსკვლავმა, ხვიჩა კვარაცხელიამ გუნდის მიერ უეფას ჩემპიონთა ლიგის ზედიზედ მეორედ მოგების შემდეგ კომენტარი გააკეთა.

ფინალში პსჟ-მ არსენალი პენალტების სერიაში 4:3 დაამარცხა მას შემდეგ, რაც ძირითადი და დამატებითი დრო 1:1 დასრულდა.

ქართველმა ფეხბურთელმა განაცხადა:

ეს მართლაც საოცარია. ჩემს ემოციებს სიტყვებით ვერ აღვწერ. ძალიან ვამაყობ, რომ ამ გუნდის ნაწილი ვარ.

„რთული სეზონი გავიარეთ, მაგრამ გამარჯვების მიღწევა შევძელით. დღეს ჩემპიონები ზედიზედ მეორედ გავხდით.

პენალტების სერიაში გარკვეული იღბალიც საჭიროა, თუმცა ასევე აუცილებელია ბევრი მუშაობა, რათა შენი თამაში გააუმჯობესო, და ჩვენ სწორედ ეს გავაკეთეთ. ვფიქრობ, გამარჯვებას ვიმსახურებდით, რადგან გოლის გასატანად ბევრი შესაძლებლობა გვქონდა.“

ზედიზედ მეორედ! პსჟ ჩემპიონთა ლიგის გამარჯვებულია