VIDEO: 2 გოლი საწყის 13 წუთში - დინამო ბათუმი ამხანაგურ მატჩში თურქულ კლუბთან დამარცხდა

თურქულ შეკრებაზე მყოფმა დინამო ბათუმმა, ქალაქ ერზურუმში, თურქეთის პირველი ლიგის წარმომადგენელ ამედსპორთან ამხანაგური შეხვედრა გამართა.

თამაში ამედსპორის უპირატესობით დაიწყო და პირველ 13 წუთში უკვე 2:0-ს იგებდნენ. საბოლოოდ, ანგარიში აღარ შეცვლილა და, რიზესპორთან 0:3 მარცხის შემდეგ, აჭარლებმა მეორე მოსამზადებელი მატჩიც დათმეს.

დინამო ბათუმი (4-2-3-1): ყალიჩავა - ჩიტეიშვილი, კობახიძე, კარლსონი, ლაკვეხელიანი - მილჩენკო, ჯაფარიძე - ვიტორი, წულუკიძე, კოხრეიძე - მანდრიჩენკო.

გიორგი ჭიაბრიშვილის გუნდის შემდეგი მეტოქე, თურქულ შეკრებაზე, ჯერჯერობით ცნობილი არაა. სამაგიეროდ, ვიცით, რომ 25 ივლისს, საქართველოს თასის ეგიდით, მე-3 ლიგის კლუბ ორბის შეხვდებიან.