VIDEO: 40-მეტრიანი სოლო რეიდი და მაგარი დარტყმა - რობაქიძის ულამაზესი გოლი უკრაინაში

გიორგი რობაქიძემ უკრაინის პრემიერ ლიგის 2026-27 წლების სეზონი გოლით დაიწყო.

უმაღლეს ლიგაში დაბრუნებული ჩერნომორეც ოდესას ნახევარმცველმა გიორგი მაისურაძის პოლისია ჟიტომირს ლამაზი სოლო რეიდისა და ეფექტური დარტყმის შემდეგ გაუტანა - ბურთი საკუთარ მოედანზე მოიპოვა, 35-40 მეტრი იარა და შორი მანძილიდან ახლო მაღალ კუთხეში შეაგდო.

21 წლის რობაქიძე კოლხეთი 1913-ისა და ვიტ ჯორჯიას ყოფილი ფეხბურთელია, ჩერნომორეცის რიგებში კი 2024 წლიდან თამაშობს.

აქვე ვთქვათ, რომ პოლისიას შემადგენლობაში არ უთამაშია მარჯვენა მცველ გიორგი მაისურაძეს, რომელიც მთელი მატჩის განმავლობაში სათადარიგოთა შორის იყო.