VIDEO: ალბასეტეს ზღაპარი ღირსეულად დასრულდა — ბარსელონა თასის 1/2 ფინალშია

ესპანეთის სამეფო თასის 1/4 ფინალში ბარსელონამ სტუმრად მეორელიგელი ალბასეტე დაამარცხა.

1/8 ფინალში სენსაციურად რეალის დამარცხების შემდეგ, წილისყრამ ალბასეტეს მეტოქედ მეორე ესპანური გრანდი, ბარსელონა არგუნა, თუმცა აქ გუნდის ზღაპარი დასრულდა და ბარსამ 2:1 იმარჯვა.

კატალონიელთა რიგებში თავის გამოჩენა ლამინ იამალმა და არაუხომ მოახერხეს და ბარსა მშვიდად 2:0-ს იგებდა, თუმცა მასპინძლებმა ბოლო 10 წუთში შეძლეს სიტუაციის დაძაბვა.

87-ე წუთზე მორენომ ერთი ბურთი გაქვითა, შემდეგ ბარსას გოლი თამაშგარის გამო გაუქმდა და მსაჯის მიერ კომპენსირებულ წუთებზე მასპინძლებს ანგარიშის გათანაბრება და მატჩის ექსტრა-ტაიმში გადაყვანაც შეეძლოთ, თუმცა ბარსელონა ჟერარ მარტინმა გადაარჩინა.

საბოლოოდ, ბარსა 1/2 ფინალში გავიდა და თავის მომდევნო მეტოქეს წილისყრის შემდეგ შეიტყობს.

0-1 იამალი 39'

0-2 არაუხო 56'

1-2 მორენო 87'