"მთავარია პრეზიდენტად დავრჩე", — ლაპორტას დაპირება

ბარსელონას პრეზიდენტმა, ჟოან ლაპორტამ, Mundo Deportivo-ს დაარსების 120 წლისთავისადმი მიძღვნილ ღონისძიებაზე, გუნდის მთავარ მწვრთნელ ჰანსი ფლიკზე ისაუბრა.

„თუ ბარსელონას პრეზიდენტად მე დავრჩები, ფლიკი ბარსელონას იმდენ ხანს გაწვრთნის, რამდენ ხანსაც თავად მოისურვებს. ჩვენთვის მნიშვნელოვანი იყო გუნდში ასეთი გამოცდილებისა და ცოდნის მქონე ადამიანის ყოლა. ის არა მხოლოდ ფენომენალური მწვრთნელია, არამედ შესანიშნავი ადამიანიც.

იმ დღეს, როცა მასთან კონტრაქტი გავაფორმეთ, მივხვდით, რომ მნიშვნელოვან საქმეს ვაკეთებდით, რადგან ის ნამდვილი მწვრთნელია — მწვრთნელი სისხლით ხორცამდე, რომელსაც ზუსტად ესმის, როგორ მართოს ახალგაზრდა ფეხბურთელებითა და გამოცდილი მოთამაშეებით დაკომპლექტებული გუნდი.

ის იდეალური მწვრთნელია დღევანდელი ბარსელონასთვის. მისი წყალობით ახლა ძალიან სასიამოვნო ეტაპს გავდივართ“, – განაცხადა ჟოან ლაპორტამ.

კატალონიური კლუბის საპრეზიდენტო არჩევნები მარტში გაიმართება.