VIDEO: ალონსოს გაშვება გადაიდო — რეალმა უმძიმესი მატჩი როდრიგოს გოლით მოიგო

ლა ლიგის მე-16 ტურში მადრიდის რეალმა სტუმრად ალავესი 2:1 დაამარცხა.

ამ შეხვედრას განსაკუთრებული მნიშვნელობა იმის ფონზე ენიჭებოდა, რომ ვერ მოგების შემთხვევაში ჩაბი ალონსოს მთავარი მწვრთნელის თანამდებობას დაატოვებინებდნენ.

თუმცა, რეალმა მძიმე ბრძოლაში შეძლო სამი ქულის მოპოვება.

ანგარიში 24-ე წუთზე კილიან მბაპემ ულამაზესი დარტყმით გახსნა. 70-ზე მასპინძლებმა ცვლილებაზე შემოსული კარლოს ვისენტეს გოლით შეძლეს წონასწორობის აღდგენა და ალონსოს მდგომარეობა დაამძიმეს.

თუმცა, 76-ე წუთზე ვინისიუსის შესანიშნავ მოქმედებას როდრიგოზე საგოლე პასი მოჰყვა, რომელსაც ცარიელ კარში ბურთის გადაგზავნა აღარ გასჭირვებია - ბრაზილიელმა ხანგრძლივი უგოლო სერიის შემდეგ, ზედიზედ მეორე მატჩში შეძლო თავის გამოჩენა.

რეალმა 3 ქულა მოიპოვა და ბარსელონასთან სხვაობა კვლავ 4 ქულამდე შეამცირა.

0-1 მბაპე 24'

1-1 ვისენტე 70'

1-2 როდრიგო 76'