სამხრეთ ამერიკაში მსოფლიო ჩემპიონატის საკვალიფიკაციო ეტაპის მატჩები გაიმართა.
კარლო ანჩელოტის დებიუტი შედგა ბრაზილიის ნაკრებში, რომელიც ეკვადორს ესტუმრა.
იტალიელის პირველი შეხვედრა სელესაოში უგოლოდ დასრულდა და პირველი გამარჯვების მოპოვებას ის 11 ივნისს, პარაგვაის წინააღმდეგ შეეცდება.
თავის მხრივ პარაგვაიმ საკუთარ მოედანზე ურუგვაი მიიღო და 2-0 დაამარცხა. გოლები მატიას გალარსამ და ხულიო ენსისომ გაიტანეს.
ურუგვაელები ხასიათის გამოსწორებას ასევე 11 ივნისს, ვენესუელის ნაკრებთან შეეცდებიან.
მუნდიალზე უკვე გასული არგენტინის ნაკრები ჩილეს ეწვია. მატჩის ბედი ერთადერთმა გოლმა გადაწყვიტა, რომელიც მე-16 წუთზე ხულიან ალვარესმა გაიტანა.
ალბისელესტე 11 ივნისს კოლუმბიას დაუპირისპირდება.
სამხრეთ ამერიკის შესარჩევი ეტაპის მდგომარეობა ასე გამოიყურება:
1. არგენტინა - 34 ქულა (გავიდნენ)
2. ეკვადორი - 24 ქულა (3 ქულა დააკლეს)
3. პარაგვაი - 24 ქულა
4. ბრაზილია - 22 ქულა
5. ურუგვაი - 21 ქულა
6. კოლუმბია - 20 ქულა
7. ვენესუელა - 15 ქულა (პლეიოფის ზონა)
8. ბოლივია - 14 ქულა
9. პერუ - 10 ქულა
10. ჩილე - 10 ქულა
მსოფლიო ჩემპიონატზე პირდაპირ 6 გუნდი გავა, მე-7 გუნდს კი პლეიოფში თამაშის შანსი ექნება.
