ჰაიდენჰაიმის ქართველმა თავდამსხმელმა ბუნდესლიგა 2-ის მე-11 ტურში ჰანოვერს საშინაო შეხვედრაში გაუტანა.
მასპინძლები 66-ე წუთზე 1:2-ს აგებდნენ, ბუდუმ კი თავური დარტყმით შეაგდო და საბოლოო ანგარიში დააფიქსირა - 2:2. გამოცდილი ფორვარდისთვის მიმდინარე სეზონის მე-9 თამაშში მე-4 გოლია.
ჰაიდენჰაიმელებმა სეზონი კარგად დაიწყეს, თუმცა 13 სექტემბრის შემდეგ, 6 ტურია ვეღარ იგებენ (4 ფრე, 2 წაგება), სატურნირო ცხრილის მე-7 პოზიციამდე დაეშვნენ და საპლეიოფო სამეულს 5 ქულით ჩამორჩებიან.
სანაკრებო მატჩების შემდეგ, 20 ნოემბერს, ფრანკ შმიდტის გუნდი სტუმრად მე-17 ადგილზე მყოფ დარმშტადტს ესტუმრება.
