VIDEO: ქართველ მცველს სლოვაკეთში შედეგიანი სეზონი აქვს - როგორია სტატისტიკა?
15 წთ წინ · 0 წთ წასაკითხად
-
Aa
+
ფონტის ზომა
სანდრო ნარიმანიძემ სლოვაკეთის NIKE LIGA-ს მიმდინარე სეზონში მორიგი საგოლე მოქმედება შეასრულა.
ჩემპიონატის მე-14 ტურში ჟილინას ცენტრალურმა მცველმა ბოლოადგილოსან სკალიცას გაუტანა, მისმა გუნდმა სტუმრად 4:2 მოიგო.
ნარიმანიძე სლოვაკურ კლუბში მესამე სეზონს ატარებს და, გასულ ჩემპიონატში სტაბილურად თამაშის შემდეგ, წელს საგოლე კომბინაციებში მონაწილეობაც აქტიურად დაიწყო - 14 ტურში 3 გოლი, 2 ასისტი აქვს.
ჟილინამ ჩემპიონატში მერვე გამარჯვება იზეიმა, 28 ქულა მოაგროვა და სლოვანთან მეორე-მესამე ადგილებს იყოფს - გიორგი გაგუასა და ცოტნე კაპანაძის ლიდერ დუნაისკა სტრედასთან სხვაობა 10 ქულაა.
ნარიმანიძის გუნდი მომდევნო ტურში უმასპინძლებს ბანსკა ბისტრიცას, რომელსაც 14 ქულა აქვს და ცხრილის მე-8 პოზიციაზეა.
