VIDEO: ატლეტიკომ ბრიუგე გაანადგურა და 1/8 ფინალში გავიდა — წინ ტოტენჰემი ან ლივერპულია

ჩემპიონთა ლიგის 1/16 ფინალის საპასუხო შეხვედრაში მადრიდის ატლეტიკომ შინ ბელგიური ბრიუგე 4:1 გაანადგურა.

პირველი მატჩის ფრედ 3:3-ს დასრულების შემდეგ, ამ წყვილმა დამატებითი ელფერი და ინტრიგა შეიძინა, რადგან ბრიუგემ ძალიან კონკურენტუნარიანი და კარგად შემტევი გუნდის შთაბეჭდილება დატოვა.

ეს შთაბეჭდილება პირველი ტაიმის შემდეგ გამყარდა, როცა სტუმრებმა სორლოტის გოლს მალევე უპასუხეს და გასახდელში გუნდები სრული თანაფარდობით გავიდნენ — 4:4.

თუმცა, მეორე ნახევრის სტარტზევე სიმეონეს გუნდი სრულ უპირატესობას დაეუფლა და გოლადაც მალე აქცია, რის შემდეგაც მოედანზე მხოლოდ ერთი გუნდი დარჩა.

ჰეთ-თრიკით თავი ნორვეგიელმა ალექსანდრ სორლოტმა გამოიჩინა და თავის გუნდს 1/8 ფინალის საგზური მოუტანა, სადაც ატლეტიკო ან ლივერპულს შეხვდება, ან ტოტენჰემს — ამას პარასკევის წილისყრა დაადგენს. 

1-0 სორლოტი 23'

1-1 ორდონეზი 36'

2-1 კარდოსო 48'

3-1 სორლოტი 76'

4-1 სორლოტი 87'