ჩემპიონთა ლიგის საპასუხო 1/16 ფინალების შედეგად, 4 ახალი მერვედფინალისტის ვინაობა გავარკვიეთ.
პირველმა მერვედფინალის საგზური მადრიდის ატლეტიკომ გაინაღდა, რომელმაც პირველ მატჩში ფრის (3:3) შემდეგ, ბრიუგეს საკუთარ მოედანზე შანსი არ დაუტოვა (4:1) და ინგლისურ გუნდზე გავიდა — წილისყრის შედეგად, როხიბლანკოს ან ლივერპული შეხვდება, ან ტოტენჰემი.
VIDEO: ატლეტიკომ ბრიუგე გაანადგურა და 1/8 ფინალში გავიდა — წინ ტოტენჰემი ან ლივერპულია
საღამოს მატჩებში კი მთავარი სენსაცია ბოდო გლიმტმა დააფიქსირა, რომელმაც ინტერს საშინაო გამარჯვების (3:1) შემდეგ, გასვლაზეც მოუგო (2:1) და 1/8 ფინალში დამაჯერებლად გავიდა.
VIDEO: ნორვეგიული ზღაპარი გრძელდება — ბოდო გლიმტმა ლიგას შარშანდელი ფინალისტი გამოთიშა
ნიუკასლისა და ყარაბაღის დაპირისპირება პირველი მატჩის 6:1 დასრულების შემდეგ სრული ფორმალობა იყო, თუმცა კაჭკაჭებმა ძალები მოიკრიბეს და საკუთარი მაყურებელი გამარჯვებით გაახარეს (3:2).
12 გოლი ორი მატჩის ჯამში — ნიუკასლმა ყარაბაღს სახლშიც მოუგო და 1/8 ფინალში გავიდა
ყველაზე უღიმღამო დაპირისპირება კი გერმანიაში, ბაი არენაზე შედგა, სადაც ლევერკუზენმა ოლიმპიაკოსს უმასპინძლა და გუნდებმა ერთმანეთს გოლი ვერ გაუტანეს. საბოლოო ჯამში, 1/8 ფინალში ფარმაცევტები გავიდნენ, რომელმაც წინა კვირას საბერძნეთში 2:0 მოგება შეძლეს.
ამრიგად, დღევანდელი მატჩების შედეგად 1/8 ფინალში გავიდნენ: ატლეტიკო, ბოდო გლიმტი, ნიუკასლი და ლევერკუზენი.
ბოლო 4 მერვედფინალისტს კი უკვე დღევანდელი, 25 თებერვლის მატჩები გაარკვევს:
ატალანტა — დორტმუნდი [0:2]
იუვენტუსი — გალათასარაი [2:5]
პსჟ — მონაკო [3:2]
რეალი — ბენფიკა [1:0].
