VIDEO: ავტოგოლი და გოლი - ლოჩოშვილმა ჰანოვერს ბუნდესლიგის საგზური ჯიბიდან ამოაცალა

ლუკა ლოჩოშვილს გერმანიის მე-2 ბუნდესლიგის ბოლო, 34-ე ტურში გამორჩეული მატჩი ჰქონდა.

მისმა უმოტივაციო ნიურნბერგმა ბუნდესლიგაში გადასასვლელად მებრძოლ ჰანოვერს ქულები დააკარგვინა და საგზურისთვის ბრძოლას გამოთიშა, რაშიც ქართველმა მნიშვნელოვანი წვლილი შეიტანა.

2:2-ზე ლოჩოშვილმა ავტოგოლი გაიტანა - მოგერიებისას თანაგუნდელმა ბურთი მოარტყა და კარში შევარდა. 83-ე წუთზე კი, როცა ნიურნბერგი 2:3-ს აგებდა, შეტევაში ჩართულმა თავით შედეგიანად დაარტყა და ჰანოვერელებს ბუნდესლიგაში გადასასვლელი საპლეიოფო საგზური ჯიბიდან ამოაცალა.

ქართველმა მცველმა მე-2 ბუნდესლიგის დასრულებულ სეზონში 33 შეხვედრა ჩაატარა და გუნდს 5 გოლითაც დაეხმარა. ნიურნბერგი მე-8 ადგილზე გავიდა.

გერმანულ პრესაში იწერება იმაზე, რომ ლოჩოშვილის მიმართ ინტერესი ევროპის რამდენიმე ქვეყნიდან არსებობს, მათ შორის, არის ინგლისური ვარიანტებიც.