VIDEO: ბასილაშვილი ჩინეთში წინ მიიწევს - ვის შეხვდება 1/4 ფინალში?

ნიკოლოზ ბასილაშვილი ჩინეთის ქალაქ ჩენგდუში მიმდინარე 250-ქულიანი ტურნირზე წარმატებით ასპარეზობას აგრძელებს.

ქართველი ჩოგბურთელი კვალიფიკაციაზე ჩინელი ლუსა და იტალიელი სინას დამარცხებით ძირითად ბადეში მოხვდა, სადაც 1/16 ფინალში რეიტინგის მე-60 ნომერ მიომირ კეჩმანოვიჩს დაუპირისპირდა.

ქართველისა და სერბის მატჩი 1 საათი და 34 წუთი გაგრძელდა და საბოლოოდ ბასილაშვილის გამარჯვებით 2 სეტში დასრულდა (7-6, 6-4).

ნიკოლოზი ტურნირის 1/8 ფინალში გავიდა, სადაც რეიტინგის მე-40 ნომერ, 30 წლის ნიდერლანდელ ბოტიკ ვან დე ზანდშულპს შეხვდა.

ქართველისა და ნიდერლანდელის დაპირისპირება 1 საათი და 27 წუთი გაგრძელდა და ბასილაშვილმა 2 სეტში იმარჯვა (6-4, 7-5).

ქართველი ჩოგბურთელი ჩენგდუს ტურნირის 1/4 ფინალში გავიდა, სადაც რეიტინგის 77-ე ნომერ, 25 წლის ამერიკელ ჯენსონ ბრუკსბის შეხვდება, რომელმაც თავის მხრივ ლორენცო სონეგოს მოუგო.

ქართველისა და ამერიკელის შეხვედრა 27 სექტებერს გაიმართება.

ბასილაშვილის მატჩის მიმოხილვა 5:33-დან