VIDEO: ბოლო სატესტო მატჩი - სამგურალმა თურქულ შეკრებაზე ყაზახურ კლუბთან ითამაშა

წყალტუბოს სამგურალმა თურქულ შეკრებაზე წელს ბოლო ამხანაგური შეხვედრა გამართა და ყაზახურ ულიტაის დაუპირისპირდა.

სამგურალის მხრიდან გოლები კლაუდიო ჟუნიორმა და ოთარ აფციაურმა გაიტანეს, საბოლოოდ კი თამაში 2:2 დასრულდა.

გიორგი ონიანის გუნდმა თურქეთში 5 ამხანაგური მატჩი გამართა - სომხურ ალაშკერტსა და უზბეკურ ლოკომოტივ ტაშკენტს მოუგო, ყაზახურ ულიტაისთან და მოლდოვურ პეტროკუბთან ფრედ ითამაშა, ხოლო უზბეკურ სურხონთან დამარცხდა.

იმერლები ეროვნული ლიგის 2026 წლის სეზონს 2 მარტს, გაგრასთან გასვლითი შეხვედრით იწყებენ.