VIDEO: გამარჯვება კვიპროსელებთან - ტორპედომ თურქული შეკრება დაასრულა

ტორპედო ქუთაისმა თურქული შეკრება კვიპროსულ აია ნაპასთან შეხვედრით დაასრულა.

იმერლებმა კვიპროსის რანგით მეორე ლიგის მე-5 ადგილოსანს, ანთიას, ანდრიჩისა და ბლიზნიჩენკოს გოლებით, 3:1 მოუგეს.

ქუთაისურმა გუნდმა თურქეთში სულ 3 ამხანაგური შეხვედრა გამართა - აია ნაპას გარდა, სომხურ არარატ-არმენიას აჯობა (1:0), ხოლო დანიურ ლინგბისთან ფრე ითამაშა (1:1). თურქეთში გამგზავრებამდე კი, წყალტუბოს სამგურალს 2:1 მოუგო, ხოლო ზუგდიდის ოდიშთან 0:1 დამარცხდა.

ეროვნული ლიგის ახალ სეზონს ტორპედო საშინაო მატჩით იწყებს - 28 თებერვალს, დებიუტანტ სპაერს რამაზ შენგელიაზე უმასპინძლებენ.