VIDEO: ბოლო წუთების დრამა და ისევ ესპი - რეალმა სიცოცხლე გაირთულა, მაგრამ მოიგო

ლა ლიგის მე-6 ტურში მადრიდის რეალმა სტუმრად ელჩე 3:2 დაამარცხა.

ჟოზე მოურინიოს გუნდი პირველი ტაიმის შემდეგ ავტოგოლისა და კილიან მბაპეს გოლის წყალობით მშვიდად 2:0-ს იგებდა, თუმცა როგორც ჩანს, გამარჯვება ზედმეტად ადრე დაიჯერა.

მასპინძლებმა 71-ე და 83-ე წუთებზე ორი გოლის გატანა შეძლეს და ანგარიშიც გაათანაბრეს, რის შემდეგაც ჟოზე მოურინიომ საქმეში თავისი მშველელი - კარლოს ესპი და ჯუდ ბელინგემი გამოიყვანა მოედანზე, რომელმაც შეხვედრა მოახლოვებული მადრიდული დერბის წინ დასვენების მიზნით, თადარიგში დაიწყო.

სწორედ ბელინგემისა და ესპის მონაწილეობით გაიტანა რეალმა გამარჯვების გოლი 90+1 წუთზე, როცა ჯუდმა კარგი პასით მბაპე მოძებნა, ფრანგმა კი ცარიელ კარზე ახალგაზრდა ესპის დაუგორა, რომელმაც რეალს ბოლო წუთებზე ამ სეზონში უკვე მეორე გამარჯვება მოუტანა.

აგრეთვე, ესპიმ გაუტანა გამათანაბრებელი გოლი ბეტისსაც, ასევე ბოლო წუთებზე, თუმცა ის გოლი მიზერული თამაშგარის გამო გაუქმდა.

ამრიგად, რეალმა დაუგეგმავი ფრე აირიდა თავიდან და ჩემპიონატში მე-5 გამარჯვება მოიპოვა, რის ხარჯზეც 15 ქულით ცხრილში ბარსელონას გაუტოლდა, რომელიც თავის მატჩს უკვე დღეს, 16 სექტემბერს, სანტანდერის რასინგის წინააღმდეგ გამართავს.

0-1 ავტოგოლი 25'

0-2 მბაპე 33'

1-2 ოსორიო 71'

2-2 ფერ ნინიო 83'

2-3 ესპი 90+1'