VIDEO: დებიუტი ბარსასთან - გულიაშვილმა რასინგის ძირითადში ითამაშა
15 იან, 2026 · 0 წთ წასაკითხად
-
Aa
+
ფონტის ზომა
გიორგი გულიაშვილის სანტანდერის რასინგში დებიუტი ბარსელონას წინააღმდეგ ესპანეთის თასის 1/8 ფინალურ მატჩში შედგა. რასინგი 0:2 დამარცხდა.
ანგარიში, 66-ე წუთზე, ფერან ტორესმა ფერმინ ლოპესის პასით გახსნა, რასაც მსაჯის მიერ დამატებულ წუთებზე, რაფინიას ასისტით, ლამინ იამალის გოლი მოჰყვა.
ქართველი შემტევი სანტანდერელთა ძირითად შემადგენლობაში იყო და მე-60 წუთამდე ითამაშა. ბურთს 16-ჯერ შეეხო, კარისკენ ერთხელ დაარტყა და ზუსტი გამოდგა, 7-დან 7-ვე პასი ზუსტად შეასრულა და 4-დან ვერც ერთი ორთაბრძოლა მოიგო.
გიორგი გულიაშვილი რასინგს 9 იანვარს შეუერთდა და მასთან კონტრაქტი 2029 წლის ზაფხულამდე გააფორმა.
სანტანდერული გუნდი ლა ლიგა 2-ს, 20 ტურის შემდეგ, 38 ქულით ლიდერობს და ლა ლიგაში დაწინაურებისთვის იბრძვის.
ბარსა შემდეგ ეტაპზე გავიდა და მეტოქეს წილისყრის შედეგად გაიგებს.
