VIDEO: დეისაძე და ღუდუშაური მაგარ ფორმაში არიან - იბერიამ ტორპედოსთან ფრედ ითამაშა
1 სთ წინ · 0 წთ წასაკითხად
-
Aa
+
ფონტის ზომა
ეროვნული ლიგის მე-12 ტურის მთავარი მატჩი მიხეილ მესხის სახელობის სტადიონზე გაიმართა - 2-გზის მოქმედმა ჩემპიონმა, იბერია 1999-მა ტორპედო ქუთაისთან 1:1 ითამაშა.
მე-6 წუთზე, ანგარიში გახსნა ქუთაისელთა 21 წლის თავდამსხმელმა, დიეგო დეისაძემ, რომელმაც ბოლო 8 ტურში მე-5 საგოლე მოქმედება მიითვალა - 3 გოლი, 2 ასისტი.
იბერიელებმა პირველსავე ტაიმში გაათანაბრეს - 44-ე წუთზე, პაატა ღუდუშაურმა ნიკოლოზ დადიანის პასის შემდეგ შეაგდო. ღუდუშაური მშვენიერ ფორმაშია და ბოლო 6 ტურში მასაც 5 საგოლე მოქმედება (4 გოლი, 1 ასისტი) აქვს.
გუგა ნერგაძის გუნდმა ლიდერობა შეინარჩუნა, თუმცა მეორეადგილოსან რუსთავს სხვაობის 2 ქულამდე შემცირების საშუალება მისცა - რუსთაველები დღეს ამის გაკეთებას დინამო თბილისთან შეეცდებიან. იბერიელები 16 მაისს დინამო თბილისს ესტუმრებიან.
ტორპედომ ზედიზედ მე-3 ფრე ითამაშა (სამივე 1:1), 17 ქულა მოაგროვა და მე-4 პოზიციის დაკარგვის საფრთხის წინაშეა - ისიც რუსთავი-დინამო თბილისის მატჩის შედეგს ელოდება (დინამოს 15 ქულა აქვს). ტორპედო 15 მაისს დილას უმასპინძლებს.
