VIDEO: დუბლი ლამაზი გოლებით - კვერნაძემ გაიბრწყინა, მისი გუნდი თანალიდერია
2 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
გიორგი კვერნაძემ, იტალიის სერია B-ს მე-15 ტურში, იუვე სტაბიასთან დუბლი შეასრულა. მისმა ფროზინონემ საშინაო მატჩი 3:0 მოიგო და ტურნირის თანალიდერია.
ქართველმა შემტევმა, პირველი ტაიმის დამატებულ წუთებზე, ლამაზი გარღვევის შემდეგ ანგარიში გახსნა, 65-ე წუთზე კი ასევე ეფექტური დარტყმით საბოლოო შედეგი დააფიქსირა.
მიმდინარე სერია B-ში პირველი გოლები გაიტანა, აქამდე მხოლოდ 1 ასისტი ჰქონდა. ამ სეზონში კოპა იტალიას შეხვედრაშიც შეაგდო - მონცასთან.
15 ტურის შემდეგ, ფროზინონელებმა 31 ქულა მოაგროვეს, ლიდერ მონცას ვერმოგებით ისარგებლეს და ქულებით გაუთანაბრდნენ.
კვერნაძის გუნდი მომდევნო ტურში, 14 დეკემბერს, ჩემპიონატის ბოლოადგილოსან პესკარასთან სტუმრად ითამაშებს.
