VIDEO: დუბლი შეასრულა - დავითაშვილი ლიგა 2-ის თანაბომბარდირია

ზურიკო დავითაშვილმა, საფრანგეთის ლიგა 2-ის მე-17 ტურში, ბასტიასთან მატჩისას დუბლი შეასრულა. მისმა სენტ ეტიენმა ბოლოადგილოსანს შინ ვერ მოუგო - 2:2.

ქართველმა შემტევმა გოლები 24-ე და 81-ე წუთებზე შეაგდო და ორივე შემთხვევაში ანგარიში გაათანაბრა. აღსანიშნავია ისიც, რომ 87-ე წუთზე, 2:2-ზე მისმა თანაგუნდელმა პენალტი ვერ გამოიყენა.

დავითაშვილისთვის, რომელმაც 1-ელი ნოემბრის შემდეგ გაიტანა, მიმდინარე სეზონში მე-2 დუბლია - მონპელიესთანაც ჰქონდა. ჯამში 8 გოლი მოაგროვა და, რედ სტარის დურანთან და ტრუას ბენტაიებთან ერთად, ლიგა 2-ის თანაბომბარდირია.

17 ტურის შემდეგ, სენტ ეტიენს 30 ქულა აქვს და სატურნირო ცხრილის მე-2 ადგილზეა - ლიდერ ტრუას 2 ქულით ჩამორჩება.

საფრანგეთის რანგით მე-2 ლიგაში შესვენება ცხადდება - დავითაშვილის გუნდი, 3 იანვარს, მის ერთ-ერთ უშუალო კონკურენტ და ასევე 30-ქულიან ლე მანს ესტუმრება.