VIDEO: წიქარიძის ჰეთ-თრიქი მეორე მატჩშიც - 17-წლამდე გოგონებმა აზერბაიჯანი ისევ გაანადგურეს

საქართველოს გოგონათა 17-წლამდელთა ნაკრებმა აზერბაიჯანელი თანატოლების წინააღმდეგ კიდევ ერთი ამხანაგური შეხვედრა გამართა და მეტოქეს ამჯერად 4:0 მოუგო.

6 თებერვალს გამართული მატჩის მსგავსად, რომელიც ჩვენებმა 6:0 მოიგეს, ჰეთ-თრიქი შეასრულა ანანო წიქარიძემ, ერთი გოლი კი ნინიკო ჩხეტიანმა შეაგდო. 

აღნიშნული ორივე შეხვედრა ევროპის ჩემპიონატის საკვალიფიკაციოს მატჩებისთვის მოსამზადებელი ეტაპის ნაწილი იყო. 

28 თებერვლიდან 6 მარტის ჩათვლით, საქართველოს 17-წლამდელთა ნაკრები B ლიგის მეორე ჯგუფში იასპარეზებს, მეტოქეები ჯგუფის მასპინძელი ჩრდილოეთ მაკედონია, ჩრდილოეთ ირლანდია და ლუქსემბურგი იქნებიან.