VIDEO: დუბლი ვენესუელასთან - მესის ბოლო სანაკრებო მატჩი საკუთარ კედლებში?
05 სექ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
2026 წლის მსოფლიო ჩემპიონატის საკვალიფიკაციო ეტაპზე არგენტინის ნაკრებმა მორიგი მატჩი გამართა.
ალბისელესტემ, რომელსაც მუნდიალის საგზური განაღდებული აქვს, ესტადიო მონუმენტალზე ვენესუელა მიიღო და 3-0 დაამარცხა.
ანგარიში 39-ე წუთზე ლიონელ მესიმ გახსნა და სკალონის გუნდს პირველი ტაიმი 1-0 მოაგებინა. 76-ე წუთზე სხვაობა ორამდე ლაუტარო მარტინესმა გაზარდა, აქედან 4 წუთში კი მესიმ დუბლი შეასრულა და საბოლოო ანგარიში (3-0) დააფიქსირა.
მატჩი ემოციური გამოდგა ლეო მესისთვის, რომელმაც შესაძლოა თავისი ბოლო თამაში ჩაატარა საკუთარ კედლებში არგენტინის ნაკრების მაისურით. მესი მოედანზე თავის შვილებთან ერთად გამოვიდა და მატჩის ბოლოს გულშემატკივრებს დაემშვიდობა კიდეც.
მადლობა ყველაფრისთვის, ჩემო კაპიტანო
ასეთი ბანერით შეხვდნენ გულშემატკივრები თავიანთ ლეგენდას.
არგენტინა თავის მომდევნო მატჩს 10 სექტემბერს, სტუმრად ეკვადორთან გამართავს.
