VIDEO: ერთ-ერთი საუკეთესო იყო - კვერნაძემ საგოლე პასი და პრე-ასისტი გააკეთა

გიორგი კვერნაძემ, იტალიის სერია B-ს 35-ე ტურში, მაგარი მატჩი ჩაატარა და ფროზინონეს რთული გასვლითი მატჩის მოგებაში მნიშვნელოვნად დაეხმარა.

ლაციოელები მე-6 ადგილოსან მოდენას სტუმრობდნენ და 0:1 აგებდნენ, ქართველმა გარემარბმა კი ჯერ საგოლე გადაცემა გააკეთა, შემდეგ კი პრე-ასისტი შეასრულა და ფროზინონემ 2:1 მოიგო.

ვიდეოში ნახავთ, რომ გიორგის ამ ეპიზოდების გარდაც რამდენიმე კარგი მოქმედება ჰქონდა და, საერთოდ, გუნდის თამაშზე მნიშვნელოვან გავლენას ახდენდა. Flashscore-მა 7.5 დაუწერა, ხოლო Sofascore-მა - 6.8.

მასიმილიანო ალვინის გუნდი მშვენიერ ფორმაშია და 7 თებერვლის შემდეგ, უკვე 12-მატჩიანი წაუგებელი სერია აქვს - 7 მოგება და 5 ფრე.

ფროზინონელებმა 72 ქულა მოაგროვეს და სერია A-ში პირდაპირ გადასასვლელი მე-2 ადგილი შეინარჩუნეს - მე-3 ადგილოსან მონცასაც 72 ქულა აქვს.

მომდევნო ტურში, 25 აპრილს, უმასპინძლებს მე-10 ადგილოსან კარარეზეს, რომელშიც დაჩი ლორთქიფანიძე თამაშობს.