საქართველოს ქალთა ეროვნულმა ნაკრებმა, მსოფლიო ჩემპიონატის შესარჩევი ეტაპის C ლიგის ჯგუფში, მე-2 ტურის შეხვედრა გამართა და ფარერის კუნძულებთან 0:1 დამარცხდა.
ტორსჰავნში, სტადიონ ტორსვოლურზე ჩატარებული მატჩის ბედი 90-ე წუთზე გატანილმა გოლმა გადაწყვიტა - ანნა ბრაენდსტრუპმა ფარერელებს, საბერძნეთთან 2 მარცხის შემდეგ, ჯგუფში პირველი ქულები მოუტანა.
საქართველოს ნაკრებს 2 ტურში ქულა არ აქვს და ჯგუფის ბოლო ადგილზეა - ლიდერი 9-ქულიანი საბერძნეთია, ფარერებს კი 3 ქულა აქვს.
ირის ანტმანის გუნდი მომდევნო თამაშს 5 ივნისს, კვლავ ფარერის კუნძულების ნაკრებთან, ამჯერად შინ გამართავს.
