VIDEO: ერთ ნაბიჯში ფინალამდე - ოკლაჰომა სერიაში ისევ დაწინაურდა
2 სთ წინ · 0 წთ წასაკითხად
-
Aa
+
ფონტის ზომა
NBA-ის დასავლეთ კონფერენციის ფინალის მე-5 მატჩში, მოქმედმა ჩემპიონმა ოკლაჰომა სიტი თანდერმა სან ანტონიო სპერსს 13-ქულიანი სხვაობით მოუგო და სერიაში კიდევ ერთხელ დაწინაურდა - 3:2.
პირველი მეოთხედი ქულა-ქულაში წავიდა, რის შემდეგაც ოკლაჰომელებმა უპირატესობა მოიპოვეს და თამაშის დარჩენილ ნაწილს თავად აკონტროლებდნენ - 127:114.
ორივე გუნდში საუკეთესო შაი გილჯეს-ალექსანდერი გახლდათ - 32 ქულა, 2 მოხსნა, 9 ასისტი; ჩეტ ჰოლმგრენსა (16 ქულა, 11 მოხსნა, 1 ასისტი) და აიზეია ჰარტენშტაინს (12 ქულა, 15 მოხსნა, 4 ასისტი) ორმაგი დუბლი ჰქონდათ; ალექს კარუზომ გუნდს 22 ქულა, 2 მოხსნა, 6 ასისტი შეჰმატა; ხოლო ჯარედ მაკკეინმა - 20 ქულა, 3 მოხსნა.
ტექსასელთა მხარეს საუკეთესო სტეფონ ქასლი იყო - 24 ქულა, 5 მოხსნა, 6 ასისტი; ჯულიან შემპენიმ 22 ქულა, 8 მოხსნა, 1 ასისტი მიითვალა; ვიქტორ ვემბანიამამ - 20 ქულა, 6 მოხსნა, 1 ასისტი; კელდონ ჯონსონმა კი - 15 ქულა, 4 მოხსნა, 2 ასისტი.
შედეგად, ოკლაჰომა სერიაში 3:2 დაწინაურდა და მოედნის უპირატესობა შეინარჩუნა - 29 მაისის 04:30 საათზე, გუნდები უკვე სან ანტონიოში ითამაშებენ.
სერიაში გამარჯვებულს ფინალში ელოდება ნიუ იორკ ნიქსი, რომელსაც ზედიზედ 11 მატჩი აქვს მოგებული და სატიტულო შეხვედრებში 1999 წლის შემდეგ პირველად მიიღებს მონაწილეობას.
