VIDEO: გადამწყვეტი გოლი ბოლო წამებზე - ეროვნული ლიგის ცხრილის ლიდერი შეიცვალა
7 სთ წინ · 0 წთ წასაკითხად
-
Aa
+
ფონტის ზომა
ეროვნული ლიგის 27-ე ტური ბათუმში გამართული ცენტრალური მატჩით დასრულდა, სადაც ადგილობრივმა დინამომ ქუთაისის ტორპედო მიიღო და დაძაბულ ბრძოლაში, ბოლო წამებზე გატანილი გოლით 3:2 დაამარცხა.
შეხვედრა ძალზე დრამატული გამოდგა. ანგარიში 23-ე წუთზე ქუთაისელთა მხრიდან კომნენ ანდრიჩმა გახსნა, თუმცა ტაიმის მიწურულს (45+2') თორნიკე კირკიტაძემ წონასწორობა აღადგინა.
მეორე ნახევრის დასაწყისში (51') გურამ ჯაფარიძემ ბათუმელები წინ გაიყვანა, მალევე კი სტუმრები კაცნაკლებად დარჩნენ. მსაჯმა ბულგარელი ლეგიონერი მატეო სტამატოვი გააძევა.
მიუხედავად ამისა, ტორპედომ ბრძოლა შეძლო და 77-ე წუთზე დიეგო დეისაძემ ანგარიში გაათანაბრა. როცა ყველას ეგონა, რომ მატჩი ფრედ დასრულდებოდა, 90+7-ე წუთზე ულად-ომარ იმრანმა ზუსტად ითამაშა და ბათუმელებს უმნიშვნელოვანესი სამი ქულა მოუტანა.
ამ გამარჯვებით დინამო 47 ქულით სატურნირო ცხრილის ერთპიროვნული ლიდერია, თუმცა აღსანიშნავია, რომ რუსთავი თავის თამაშს დღეს გამართავს და იბერია 1999-ს დაუპირისპირდება.
