VIDEO: გასვლითი გამარჯვება კონკურენტთან - გურია ლანჩხუთმა მნიშვნელოვანი მატჩი მოიგო

ეროვნული ლიგა 3-ის მე-13 ტურში, დაწინაურებისთვის მებრძოლი გუნდების - ორბისა და გურია ლანჩხუთის მატჩი გაიმართა.

თბილისში, შატილის სტადიონზე, გურულებმა მეტოქე დაძაბულ შეხვედრაში 2:1 დაამარცხეს - ლუკა ქოქოსაძემ ანგარიში მე-20 წუთზე გახსნა, 87-ე ზუთზე ათკაციანმა ორბიმ, ნიკა ხარაიშვილის გოლით, გაათანაბრა, დამატებულ წუთებზე კი გამარჯვების გოლი ცოტნე ჩოთალიშვილმა შეაგდო.

ტრადიციული ქართული კლუბის ხელმძღვანელობა სეზონის წინ შეიცვალა. მერაბ ჟორდანიას ვაჟი, კახი ჟორდანიაა სათავეში, მთავარი მწვრთნელი გოჩა ტყებუჩავაა, ხოლო შემადგენლობაში არაერთი გამოცდილი ფეხბურთელი თამაშობს - მეკარე ლევან ისიანი, ლევან კაკუბავა, დავით მაისაშვილი, ნოდარ იაშვილი, დათა სიჭინავა, თემურ შარაშენიძე, კიჭი მელიავა, კახა კახაბრიშვილი, ვატო არველაძე, თორნიკე კაპანაძე...

13 ტურის შედეგებით, გურია ლანჩხუთმა 27 ქულა მოაგროვა, იმავე ორბისთან ერთად, იბერია 2-საც გადაასწრო და მე-2 ადგილზე გადაინაცვლა - წაუგებელ ლიდერ თბილისი 2025-ს 33 ქულა აქვს.

1. თბილისი 2025 (თბილისი) - 33 ქულა;

2. გურია (ლანჩხუთი) - 27 ქულა;

3. ორბი (თბილისი) - 25 ქულა;

4. იბერია 1999 2 (თბილისი) - 25 ქულა;

5. გონიო (გონიო) - 24 ქულა;

6. დიდუბე (თბილისი) - 22 ქულა;

7. ვიტ ჯორჯია (მცხეთა) - 21 ქულა;

8. მერანი (თბილისი) - 21 ქულა.

ეროვნული ლიგა 2-ში საუკეთესო 2 გუნდი პირდაპირ გადადის, მესამე-მეოთხე ადგილოსნები კი ლიგა 2-ის მეშვიდე-მერვე ადგილოსნებთან ორრაუნდიან პლეი-ოფში ითამაშებენ და დაწინაურებას ამ გზით შეეცდებიან.