VIDEO: იოკიჩისა და ბანჩეროს სამმაგები, გოგას 6 ქულა - დენვერმა ორლანდოს მოუგო

NBA-ის რეგულარული სეზონის მატჩში დენვერ ნაგეტსი ორლანდო მეჯიქს შეხვდა და 126-115 მოუგო.

გამარჯვებულ გუნდს ქულებში ჯამალ მარიმ ულიდერა, რომელმაც 32 ქულა მიითვალა.

მორიგი სამმაგი დუბლი შეასრულა ნიკოლა იოკიჩმა, რომლის ანგარიშზეც 23 ქულა, 11 მოხსნა და 13 შედეგიანი გადაცემა იყო. სერბმა კარიმ აბდულ-ჯაბარს გადაასწრო და NBA-ის ისტორიაში ცენტრებს შორის ყველაზე მეტი ასისტი დაუგროვდა.

ორლანდოს მხრიდან სამმაგი დუბლი ჩაიწერა აქტივში პაოლო ბანჩერომაც - 26 ქულა, 16 მოხსნა, 10 შედეგიანი გადაცემა.

გოგა ბითაძემ კი პარკეტზე 19 წუთი გაატარა, რა დროშიც მის ანგარიშზე 6 ქულა, 4 მოხსნა და 1 შედეგიანი გადაცემა იყო.

დენვერი 26 მატჩში 20 მოგებით დასავლეთ კონფერენციაში მე-2 ადგილზეა, ორლანდო კი 27 შეხვედრაში 15 გამარჯვებით აღმოსავლეთ კონფერენციაში მე-7 ადგილს იკავებს.